فرانس: بدنام زمانہ مجرم جیل سے ہیلی کاپٹر کے ذریعے فرار


پیرس: فرانس کا مطلوب ترین گینگسٹر فلمی سین کی طرح جیل توڑ کر ہیلی کاپٹر کے ذریعے فرار ہوگیا۔

گینگسٹر کے ساتھیوں نے اپنے سرغنہ کو فرار کرانے کے لیے بڑا منصوبہ تیار کیا، پیرس کے مضافاتی علاقے میں قید ریڈونی کو فرار کرانے کے لیے تھوڑے فاصلے پر جھاڑیوں میں ایک ہیلی کاپٹر اتارا گیا اور پھر مسلح افراد جیل میں داخل ہوگئے۔

جیل کے مہمان خانہ میں پہلے سے موجود سرغنہ اپنے ساتھیوں کے ساتھ جیل سے نکل کرہیلی کاپٹر تک چلاآیا مسلح افراد نے ہیلی کاپٹر کے پائلٹ کو پہلے ہی مغوی بنا کر رکھا تھا جس کے ذریعے مخصوص فاصلہ طے کرنے کے بعد گینگسٹر اور اس کے ساتھی ہیلی کاپٹر سے اتر کر گاڑی میں سوار ہوگئے اور ہر تھوڑے فاصلے پر گاڑیاں تبدیل کرتے رہے۔

پولیس کا کہنا ہے کہ گینگ کو آخری بار ایک سفید گاڑی میں دیکھا گیا اور ان کی تلاش کے لیے سرچ آپریشن شروع کردیا گیا ہے۔

چھیالیس سالہ گینگسٹر ’ریڈونی فیڈ‘ کو 2010ء میں ڈکیتی اور اس واردات میں پولیس اہلکار کے قتل پر 25 سال قید کی سزا سنائی گئی تھی۔ اس سے قبل بھی بدنام زمانہ گینگسٹر جیل توڑ کر فرار ہوچکا تھا۔

شئیرکرکے اپنے دوستوں تک پہنچائیں۔

اپنا تبصرہ بھیجیں