Theresa-May

برطانوی وزیراعظم کا پاک بھارت کشیدگی پر گہری تشویش کا اظہار

لندن: برطانوی وزیراعظم تھریسامے نے پاکستان اور بھارت کے درمیان چند روز سے جاری کشیدگی اور تناؤ پر گہری تشویش کا اظہار کیا ہے۔

وزیراعظم تھریسامے نے برطانوی پارلیمنٹ میں خطاب کرتے ہوئے کہا ہے کہ ’ ایشیائی ممالک پاکستان اور بھارت کے درمیان جاری کشیدگی پر گہری تشویش ہے، اقوام متحدہ کی سلامتی کونسل کے ساتھ مل کر تناؤ میں کمی کے لیے مشترکہ طور کام کررہے ہیں۔

وزیراعظم تھریسامے نے پاکستان اور بھارت کی حکومت کو مخاطب کرتے ہوئے کہ قیام امن اور کشیدگی میں خاتمے کے لیے مذاکرات کی میز پر آئین اور بہتر تعلقات کے قیام کے لیے تمام تر سفارتی اقدامات کو بروئے کار لائیں۔ تحمل اور بردباری سے معاملات کو حل کیا جا سکتا ہے۔

یاد رہے کہ گزشتہ روز بھارتی طیاروں کی پاکستان کی فضائی حدود کی خلاف ورزی کرتے ہوئے مختلف مقامات پر چار بم گرائے تھے جس پر پاک فضائیہ نے بھرپور کارروائی کرتے ہوئے بھارت کو بھاگنے پر مجبور کردیا تھا جب کہ آج پاک فضائیہ نے بھارت کو کرارا جواب دیتے ہوئے دو بھارتی طیاروں کو مار گرایا اور ایک بھارتی پائلٹ کو حراست میں لے لیا۔

اشتہار


اپنا تبصرہ بھیجیں