راولپنڈی میں نئے سال پر ہوائی فائرنگ سے مزدور سمیت 2 افراد جاں بحق

firing-killed waste managment- worker

راولپنڈی پولیس ہوائی فائرنگ پر پابندی کے احکامات پر عملدرآمد کرانے میں ناکام ہوگئی اور دو افراد کی جانیں چلی گئیں۔

نیو ائیرنائٹ کے جشن پر خیابان سرسید میں ہوائی فائرنگ سے نوجوان جاں بحق ہوگیا۔ جاں بحق شخص کی لاش کو اسپتال منتقل کردیا گیا ہے۔

پولیس نے ہوائی فائرنگ کے الزام میں 20 مشکوک افراد کو حراست میں لے کر تحقیقات شروع کردی ہیں۔ پولیس کے مطابق دوران تفتیش 6 ملزمان نے اعتراف جرم کر لیا اور مقدمہ درج کرکے آلہ قتل بھی برآمد کرلیا گیا ہے۔

تھانہ صادق آباد کے علاقے میں ہوائی فائرنگ سے مزدور حیات خان جاں بحق ہوگیا۔ حیات خان چھت پر مزدوری کررہا تھا کہ اندھی گولی لگنے سے موقع پر دم توڑ گیا۔

نئے سال کے موقع پر ملک بھر میں ہوائی فائرنگ سے خواتین اور بچوں سمیت متعدد افراد زخمی ہوگئے ہیں۔

اس خبر پر اپنی رائے کا اظہار کریں

اپنا تبصرہ بھیجیں